Angalanissamut siunnersuutitsialaat

Timmisartortussaalluni (Nuummiit) isumagisassarpassuaqarsinnaavoq. Angalanerit aallarnerluarsinnaaniassagakku pisariitsumik timmisartoqarfikkoornissamut pillugu siunnersuutitsialaat uani katersornikuuavut.

Nassatat pillugit malittarisassat misissukkit

Taskivit kuffertivilluunniit poortunnginnerani nassatani tigummiaannakkani nassatanilu tunniunneqartussani suut nassaqqusaanerlugit paasissallugu iluaqutaassaaq. Timmisartuutileqatigiiffinnut taamaaliorsinnaavutit. Immikkut ittunik nassataqaruit, assersuutigalugu sisoraatit, uumasoq, aneerussiviit nassassagukkit nassatatut angisuutut tunniunneqassapput.

Nuummi Timmisartoqarfimmi 100 ml sinnerlugit imerpalasunik nassataniluunniit tigummiaannakkani sakkunik nassartoqaqqusaajunnaarnera immikkut eqqumaffigissavatit. Malittarisassat aamma Kangerlussuarmi atuupput.

Quppernermi Nassatat aamma quppernermi Isumannaallisaavik paasisaqarnerusinnaavutit.

Imerpalasut puussiaaqqamut 1-liiterimik imaqarsinnaasumut puukkit (Taamaallaat Nuummi Kangerlussuarmilu atuuppoq)

Nassatat tigummiaannakkani 100 ml ataallugu imalinnik imerpalasunik nassataqarsinnaavutit. Imerpalasut puussiamut matuneqarsinnaasumut poorukkit angalanissannut piariissaatit. Angalasup ataatsip taamaallaat puussiaq ataaseq nassarsinnaavaa.

Nunatsinni angalaguit imerpalasunut malittarisassat atuutinngillat – taamaattumik nassatanni tigummiaannakkanni imerfimmik imermik imalimmik nassarsinnaavutit. Nuukkoorlutit angalassaguit aallannginninni isumannaallisaavikkoortussaagavit imerfimmik imermik imalimmik nassarsinnaanngilatit. Quppernermi Isumannaallisaavik-mik paasisaqarnerugit

Onlinekkut check in-erneq (Taamaallaat Nuummi atuuppoq)

Timmisartuutileqatigiiffivit neqeroorutigippagu angerlarsimaffinniit onlinekkut check-inernissat innersuussutigaarput. Taamaalillutit sukkanerusumik isumannaallisaavikkoorsinnaassaatit. Tamatuma saniatigut Nuummi Timmisartoqarfimmi nassatanik tunniussiniarlutit imminut kiffartuussissut atorlugu imminut kiffartuussinnaavutit.

Quppernermi Nassatanik Tunniussineq-mik paasisaqarnerugit

Ajornaatsumik isumannaallisaavikkoorit (Taamaallaat Nuummi Kangerlussuarmilu atuuppoq)

Nunatta avataanut angalassaguit timmisartoqarfimmi isumannaallisaavikkuussaatit. Ikissutissap piareersimatinnissaa pitsaassaaq. Aamma sukkanerusumik ingerlasoqarniassammat imerpalasut, elektronikkit, nakorsaatit meeqqallu nerisassaat nassatani tigummiaannakkani qallinngorlugit inississinnaavatit, taamaalillutit pisariaqalissappat taskinniit tigoriaannaanerussavatit. Taamaattorli Nuummiit angalaguit isumannaallisaavikkuuleruit tigummiaannarlugu nassatat imaartariaqanngilat.

Quppernermi Isumannaallisaavik-mik paasisaqarnerusinnaavutit.

Siusinaarlutit aggerit

Siusinaarlutit timmisartoqarfimmukarnissat innersuussutigisarparput – angerlarsimaffinniit check in-ersimaguit aamma. Nuummiit angalaguit kingusinnerpaamik aallarnissannut akunnerit marluk sioqqullugit timmisartoqarfimmeeriissaatit. Timmisartoqarfitsinnut allanut, heliportinulluuunniit angalassaguit aallarnissannut akunneq ataasiinnanngorpat apuutereertariaqarputit.

Quppernermi Check-in-imi paasisaqarnerusinnaavutit.

Nassatanik tunniussineq / ilaaniarluni nalunaarneq

Angalanermi alloriarneq siulleq

Atuaruk