Mittarfiit
Paasissutissat
Information
Kiffartuussinerit
Services
Uagut Pilluta
Timmisartoqarfimmi biilinik inissiineq
Nuuk
00:23
-2 °C
22 km/h
Biilinut inissiisarfiit
Nuummi timmisartoqarfik nutaaliaasumik biilinik inissiinermut systemeqarpoq. Biilinik inissiisarfimmut pulaguit anillakkuillu nummerpladit automatiskimik nalunaarsussavarput. Taamaammat inissiinermi assiaqutit biilinillu inissiinermut bilitsit nalinginnaasut pisariaqanngillat. Kisianni suli biilinik inissiisarfimmiit ingerlannginninni akiliisussaavutit.
Isumannaallisaaneq aamma sullitat misigisaat pitsanngorsarniarlugit biilinik inissiisarfik assiliiviit atorlugit nakkutigineqarpoq.
Biilit inissereerukkit nalunaarutigissavatit. Automati atorlugu akiliisarfimmi imaluunniit nittartakkakkut akiliisarfimmi uani taamaaliorsinnaavutit:
Biilinik uninngatitsinerit naappat nalunaarutigissavat automatimilu imaluunniit nittartakkakkut akiliillutit.
Biilinik inissiininnut akiliinissat puigorpiuk? Eqqissiinnarit, ullut marluk tungaanut periarfissaqarputit. Tamatuma kingorna allaffissornermut akitsuummik uninngatitsinermullu akigitinneqartunut akileeqquneqarumaarputit.
Sivisuumik biilinik uninngatitsinermi nalunaaquttap akunneri pingasut tamatigut akeqarneq ajorput. Isaarissamut pulanermi biilinik uninngatitsineq aallartittarpoq biilinillu inissiisarfimmit anillannermi naammassisarluni.
Timmisartussat utaqqitillugu Timmisartoqarfinni sisamani akeqanngitsumik Wi-Fi-mik atuisinnaavutit: Nuummi, Ilulissani, Kangerlussuarmi Qaqortumilu. Timmisartoqarfinni allani atortulersuutit apeqqutaatillugit Wi-Fi atulersinneqarumaarpoq.
