Mittarfiit
Paasissutissat
Information
Kiffartuussinerit
Services
Uagut Pilluta
Isumannaallisaavik
Nuuk
22:07
-1 °C
17 km/h
Nuummi Mittarfimmi isumannaallisaanermi nakkutilliineq ingerlanneqalertussaq, niuerfinni nutaaliaanerpaanik isumannaallisaanermi atortunik atortulersugaavoq, tamaasilluni ilaasutsinnut iluarisimaarinninnissaq qaffasinnerpaamillu isumannaallisaaneq qulakkiissavaa. Ulloq 17. juni 2024 Nuummi terminali nutaaq ammarpat, aamma isumannaallisaanermi periaatsit nutaat atuutilissapput. Isumaqarpoq siunissami angalasutut Nuummiit aallariartuleruit piffissaqarluarlutit takkutissaatit, nunap iluani angalasut, Nuummilu akunnittut, nunanulluunniit allanut angalasut apeqqutaatinnagu isumannaallisaanermi nakkutiginnittut aqqusaarneqaqqaartassapput.
Takkunnissamut piffissaliussat pillugit inassutigisagut annertunerusumik uani atuakkit.
Nunanut allanut angalalernerit tamarmik isumannaallisaavikkoorlutik aallartitarput. Timmisartoqarfitsinnut apuukkuit tassuunaarnissanut ilitsersuulluarumaarpatsigit. Tassani periaaseq tamakkiisumik isigilissavat aammalu aallariartorluarnissarnut arlalitsigut siunnersorluarneqassallutit.
1
Nuummi Timmisartoqarfimmi isumannaallisaavimmukarniarlutit speedgatekkut aqqutigineqartussat arlaat aqqutigissavat. Isumannaalisaavimmut iserniarlutit isaariaani isissutissat boardingkorti scannissavat – taamaattumik tullinnguutinnginninni piareersimatinnissaa isumassarsiatsialaassaaq.
2
Isumannaallisaavikkoornissamut tullinnguukkuit qaatiguuvit peernissaannik bakkimullu ilinissaannik qinnuigineqassaatit. Kaasarfimmioqaruit kaasarfimmiutit bakkimut qaatiguunnik ilisiffigisannut ilissavatit. Qitequteqaruit allanilluunniit saviminertalinnik atoruit, taakku tamaasa scannerneqarniassammata piissavatit
Nuummi Timmisartoqarfik: Nuummi timmisartoqarfimmiit aallarniaruit, timmisartumut nassatassatit bakkimut plastikkiusumut ilisinnaavatit, taannalu tigusiffigineqarani toqqaannartumik isumannaallisaavikkuussaaq. Tamatumani qarasaasiat, meeraaqqat nerisassai allarluinnaalluunniit pineqarnersut apeqqutaanngilaq. Annertunerusut matuma ataatungaani takukkit.
Kangerlussuarmi Timmisartoqarfik: Kangerlussuarmi timmisartoqarfimmiit aallarniaruit, nunarput qimallugu aallartussaaguit, nassatarniittut aalajangersimasut qaqittussaavatit bakkimullu ilisussaallugit. “Ilinnut Kangerlussuarmiit timmisartumut ilaasussamut” immikkoortumi tamanna pillugu annertunerusut atuakkit.
3
Pigisatit bakkimut ilereerukkit saviminernut malussarniutikkuussaatit. Timinni kaasarfinniluunniit saviminertalinnik peqarnersutit tassani nalunaarsorneqartarpoq.
Saviminertalinnik peqaruit taakku ataasiakkaarlugit scannigassanngorlugit bakkimut ileqqullugit qinnuigineqassaatit.
4
Saviminertalinnik peqanngikkaluarlutit isumannaallisaanermi atortutta misissorluarneqarnissannut toqqarsinnaavaatit. Algoritme tunngavigalugu toqqaasoqartarpoq, taamaattumillu nalaatsornerinnakkut toqqaasoqartarluni.
Angalasut tamarmik mississorneqarluarnissamut toqqarneqarsinnaapput – aamma meeqqat. Taamaattumik angalanissaq sioqqullugu isumannaallisaanermi misissuinissamut meeqqavit piareersartinnissaa isumassarsiatsialaavoq. Taamatut pisoqarnera illit meeqqavilluunniit toqqissisimanarinngikkussiuk, sulisutta ilaat saaffigisinnaavat, taakkualu isumannaatsumik aqqutiginissaanut ilitsersuulluarumaarpaasi.
2024-mi ulloq 17. juni aallarnerfigalugu 28. novembarip tungaanut piffissami ikaarsaarfiusumi ilaasut nunap iluani angalasut Nuummi aamma Kangerlussuarmi Mittarfinni isumannaallisaavikkoortussaavutit. Marloqiusamik isumannaallisaanermi nakkutiginninnissaq pisariaqarpoq, tassami isumannaallisaanermi atortuni nutaani sukumiisumik sungiusarnissatsinnut aammalu suleriaasissat nutaat, isumannaallisaanermi nakkutiginninnermi nutaamik suleriaaseqalernermi piumasaqaatigineqartut sungiusarnissaannut, tassani periarfissaqaratta.
Securitymi sulisutta pikkorissut One-Stop-Security (OSS) ilaasunut nunanut allanut angalasussanut tamanut sunniuteqarluartumik atulersinnissaanut piareersimanissaat qulakkeerniarlugu, taamatut immikkut suliniuteqarnissaq aalajangiisuulluinnartumik pingaaruteqarpoq.
Taamatut suleriaaseqarneq ilaasut tamarmik isumannaallisaanermi malitassat pisussaassutsimik qulakkiissavaat, tamannalu timmisartuussineq qaffasinnerusumik isumannaannerusumik toqqissisimasumillu angalanissat qulakkiissavaa.
Imatut paasillugu, Nuummi akunnillutit mikkuit, tikittunut isaariaaniit qummukaqqaassaatit terminalikkooqqaassallutit, isumannaallisaanermilu misissuisarfik aqqusaaqqaariarlugu aatsaat timmisartumut ilaaffissarnut utaqqiartorlutit aallariartortunut inersuarmut ammukaqqissasutit.
Ulloq 28. november 2024 tikillugu piffissami ikaarsaarfiusumi tassani, Nuummi mittarfimmi isumannaallisaanermi nakkutilliinitta pitsaanerpaamik misigisaqarfigitinnissaanut sungiusarnissarput paasilluarakku naammagittarnernullu, qujavugut.
Nuummi timmisartoqarfimmi isumannaallisaavikkoortussanngoruit, eqqissillutit pigisatit nassatarniitiinnarsinnaavatit.
Tamanna isumaqarpoq makkua taskimiitiinnarsinnaagitit:
Nalunaaqutaaqqat, qiterutit imaluunniit skuutit saviminertaqarpata peeqquneqarsinnaapput.
Eqqumaffigissavat Kangerlussuarmi timmisartoqarfimmi suleriaatsit allaanerummata. Annertunerusut “Ilinnut Kangerlussuarmiit timmisartumut ilaasussamut” immikkoortumi atuakkit.
Kangerlussuarmi timmisartoqarfimmiit nunanut allanut angalaniaruit, isumannaallisaavipput aqqusaartussaavat. Isumannaallisaavikkoornissamut piareersarneq isumannaallisaavikkuulinnginnerni.
Makkua nassatarniit amussavatit, bakkimullu ilissallugit:
Tassanngaaniit sulisutta isumannaallisaaviup sinneratigoornissarnut ilitsersussavaatsit. Periaatsimut apeqqutissaqaruit taakkua saaffigiuaannarsinnaavatit.
Nuummi timmisartoqarfimmut aamma timmisartoqarfimmiit bussit ingerlasarput, bus 3 aallariartortarfik/tikittarfik saneqquttarpaat.
