Mittarfiit
Paasissutissat
Information
Kiffartuussinerit
Services
Uagut Pilluta
Nassatanik tunniussineq / ilaaniarluni nalunaarneq
Nuuk
15:06
5 °C
8 km/h
Timmisartoqarfimmut piguit iliuusissat siulleq tassaavoq nassatanik tunniussineq. Timmisartoqarfitsinni angerlarsimaffinniit internetikkut ilaaniarlutit nalunaarsinnaavutit, aamma ullormi aallarfissanni saaffiginnittarfimmi nassatanik tunniussisinnaavutit.
Nuummi timmisartoqarfimmi imminut kiffartuunnissamut automati aamma atorsinnaavat. Tamanna qanoq pisarnersoq ataani paasisaqarsinnaavutit.
Internetikkut nassatanik tunniussineq / ilaaniarlunimut nalunaarneq angalanerpit aallartinnissaanut periaasiuvoq ajornaatsoq sukkasoorlu. Timmisartuutileqatigiiffiit amerlanerit internetikkut ilaaniarluni nalunaartoqarnissaanut periarfissiisarput, aamma illit timmisartuutileqatigiiffiit aqqutigalugu internetikkut ilaaniarlutit nalunaassaatit.
Internetikkut nassatanik tunniussineq / ilaaniarluni nalunaarneq
Internetikkut ilaaniarluni nalunaarnissaq periarfissaalerpat timmisartuutileqatigiiffinnit mailisissaatit imaluunniit nalunaarutisissaatit. Timmisartuutileqatigiiffiit apeqqutaalluni aallarnissat aqaguppat- aqaguaguppat nalunaarfigineqarumaarputit. Mobiilikkut, qarasaasiakkut tabletikkulluunniit ilaaniarlutit nalunaassaatit. Timmisartuutileqatigiiffiit ilaat aallarnissaq sioqqullugu, SMS-ip nassiunneqartup akineratigut, ilaaniarluni nalunaarnissamut periarfissiisarput.
Timmisartoqarfimmut piguit toqqaannartumik imminut kiffartuunnissamut automatimukarsinaavutit nassatap ilisarnaataa anillatsillugu, nassatannullu tunniussassamut ikkullugu. Nassatat nammineerluni nassatanik tunniussivitsinnut tunniutissavat. Tigummiaannakkamik taamaallaat nassataqaruit toqqaannartumik isumannaallisaavimmukarsinnaavutit.
1
Saaffiginnittarfimmi sulisunut aamma nassatanik tunniussisinnaavutit. Angalanissat sioqqullugu nassatat oqimaappallaartoq nalunngikkukku saaffiginnittarfimmi nassatat tunniutissagit kajumissaarusuppatsigit.
Imaaliussaatit
Passit angalanissamullu uppernarsaatitit piariikkit. Oqarasuaatikkut pappilianngortilluguluunniit anillatsitakkut takutissanerlugu nammineq aalajangissavat. Ilaannikkut visumi atuuttoq takuteqquneqartarpoq. Periaatsip sinneranut sulisut ilitsersuulluarumaarpaatsit.
2
Nuummi timmisartoqarfimmi nassatatit tunniunniarlugit imminut kiffartuunnissamut automati atorsinnaavat.
Passit angalanissamullu uppernarsaatitit piariikkit automatimilu ilitsersuutigineqartut malikkit. Pisinermut uppernarsaammi inniminniinermi kode imaluunniit stregkode scanneqqullugu qinnuigineqassaatit. Ilaannikkut visumi atuuttoq takuteqquneqartarpoq. Paasissutissat immersoreerukkit timmisartumut ikissutissat nassatallu ilisarnaataa automatimit anillatsinneqassapput.
Nassatat ilisarnaaseriarlugu nammineq nassatanik tunniussivimmut tunniutissavat. Taamaallaat tigummiaannakkamik nassataqaruit toqqaannartumik isumannaallisaavimmukarsinnaavutit.
3
PIffissaalluartumi aallariartoruit angalanerit aallartilluassavat. Nuummiit aallarlutit – nunatsinni nunamullu allamut angalaleruit aallarnissannut akunnerit marluinnanngorpata timmisartoqarfimmut apuutissasutit innersuussutigaarput. Timmisartoqarfinni mittarfinniluunniit allaniit angalaleruit aallarnissannut akunneq ataasiinnanngorpat takkutereertariaqarputit.