Mittarfiit
Paasissutissat
Information
Kiffartuussinerit
Services
Uagut Pilluta
FAQ
Nuuk
15:11
7 °C
11 km/h
1
Illoqarfinni annerusuni soorlu Nuummi, Ilulissani Sisimiunilu taxaqarlunilu busseqarpoq. Illoqarfinni minnerusuni aamma tamanut angallassissuteqartarpoq. Timmisartoqarfimmut timmisartoqarfimmiillu angalanissamut tunngatillugu siusinaarluni takornariaqartitsivik akunnittarfilluunniit aqqutigalugit inniminniisoqarsinnaavoq.
Uani paasisaqarnerugit
2
Timmisartuutileqatigiiffiit angalatitseqatigiiffiilluunniit aqqutigalugit nassatanik tunniussissaatit. Nalinginnaasumik timmisartuutileqatigiiffiup nittartagaatigut app-iatiglluunniit– imaluunniit timmisartoqarfimmi saaffiginnittarfimmi nassatanik tunniussisinnaavutit.
Nassatanik tunniussereeruit isumannaallisaavikkuussaatit – tassani apeqqutaanngilaq nunatta iluani angalalernersutit imaluunniit nunatta avataanut angalalernersutit.
Nassatanik tunniussinissannut isumannaallisaavikkoornissannullu piffissaqarluarniassagavit aallarnissannut akunnerit marluk sioqqullugit timmisartoqarfimmut apuunnissat innersuussutigineqarpoq.
3
Qanoq nassataqartigisinnaanersutit timmisartuutileqatigiiffit aalajangertarpaat. Taamaattumik nassatat tigummiaannakkat tunniunneqartullu qanoq oqimaatsiginissaanerinut angitigisinnaanerinullu malittarisassat assigiinngissinnaapput. Malittarisassat pillugit paasisaqarnerujumallutit timmisartuutileqatigiiffiit angalatitseqatigiiffiilluunniit attavigikkit.
4
Kalaallit Nunaanni timmisartoqarfinni annerusuni skærmini paasissutissiiffiusuni aallarnissamut paasissutissat takuneqarsinnaapput. Nittartakkami matuma saqqaani imaluunniit timmisartuutileqatigiiffivit/angalatitseqatigiiffivit nittartagaani app-ianiluunniit tikiffissat aallarfissallu aamma nassaarisinnaavatit.
5
Nalinginnaasumik mittarfinni sumiiffinni tamani, ataasiakkaalli minillugit, pujortarneq inerteqqutaavoq. Kangerlussuarmi nassatanik tunniussinerup kingorna silamut anillalluni pujortartoqarsinnaavoq. Timmisartoqarfinni allani timmisartoqarfimmi terminalit silataanni pujortartoqarsinnaavoq. Allat pujoorfiginnginnissaat eqqarsaatigalugu isertarfiit ungasittakkit. Sikaritsit nalinginnaasut assigalugit sikaritsinut elektroniskiusunut malittarisassat assigiipput.
6
Nassataitt kinguaattoorsimappata nassatalluunniit pillugit apeqqutissaqaruit timmisartuutileqatigiiffinnut saaffiginnissaatit. Tassunga aamma nassatat ajoqusersimappata, kinguaattoorsimappata tammarsimappalluunniit saaffiginnissaatit. Nassatavit uppernarsaataa nassarlugu timmisartuutileqatigiiffiup nassatanik tunniussisarfianut saaffiginnissaatit. Timmisartuutileqatigiiffiilluunniit attavigikkit:
Air Greenland
Tel: +299 34 34 34
E-mail: info@airgreenland.gl
Air Greenlandip nittartagaani nassatat pillugit paasissutissat
Air Iceland
Tel: +354 570 3030
Air Icelandip nittartagaani attaveqarnissamut immersugassaq
7
Taamaallaat Nuummi Timmisartoqarfimmi aningaasanik tigusisarfinnik (ATM) ikkussuisoqarsimavoq. Tamatuma saniatigut Kalaallit Nunaanni illoqarfinni nunaqarfinnilu amerlanerusuni, aningaaserivinni, akunnittarfinni imaluunniit pisiniarfissuarni aqqusinermiluunniit aningaasanik tigusisarfinni aningaasanik tigusisoqarsinnaavoq. Kortit nalinginnaasut, nunani tamalaani atorneqarsinnaasut nuna tamakkerlugu sumiiffinni amerlanerusuni, tassunga ilanngullugit taxani pisiniarfinnilu atorneqarsinnaapput.
Timmisartortussaalluni (Nuummiit) isumagisassarpassuaqarsinnaavoq. Angalanerit aallarnerluarsinnaaniassagakku pisariitsumik timmisartoqarfikkoornissamut pillugu siunnersuutitsialaat uani katersornikuuavut.