Greenland Airports – Ammaassisoq

Angalanernut pitsaasunut isumannaatsunullu tunngaviuvugut, nunarsuullu tikikkuminarnerulersinnissaa sulissutigaarput, inuiaqatigiinnilu siuariartortitsinissamut ineriartortitsinissamullu tunngavissiilluta.

Mittarfeqarfiit aamma Kalaallit Airportsip kattutsinneqarneranniit Greenland Airportsip ataatsimoortup ataani niuernermik tunngaveqarneq isikkivigalugu ileqqut kimittuut kattutsippagut. Taamatut suleqatigiinnerup suliaqarnissamut pisinnaasaqarnerput nukittorsaannanngilaa, kisianni aamma siunissamut, siuariartortitsineq, piujuartitsinissaq sullitallu ukkatarinissaat ingerlatsinitsinni tamaginni ilaatillugu, ingerlanissatsinnut aamma inissitsilluta.

Kalaallit Nunaanni nunap iluani, peqatigisaanillu nunarsuup sinneranut ataqatigiissitsisuuvugut, taamaattumillu sullissinerput allanngujaatsumik ataavartumillu isumannaatsumik ingerlannissaa ukkatariuarlugu, naak issittumi silap pissusaa alianaassinnaagaluarluni, ilaanni aamma ilungersinaasaraluartoq.

Ulluinnarni silaannakkut angallassinermut usinullu tunngatillugu timmisartoqarfinni katillugit 13-ini aammalu qulimiguulinnut mittarfinni 46-ni, nunarput tamakkerlugu, Qaanaamiit Nanortalimmut Nerlerit Inaannullu, isorartussuseqartumiittunut tunngatillugu attaveqaqatigiinneq ataatsimoortoq isumagisaraarput. Suleqatitta piginnaasai timmisartoqarfinnilu ingerlatsinerat immikkut tulluusimaarutigaagut. Ataatsimoorluta tamatta sumi inissisimanerput apeqqutaatinnagu, ingerlatsinerup ulluinnarnilu sulinitta tulluusimaarutiginera annertuumillu akisussaaffimmik misigisimaneq ataatsimoorfigaagut.

Sullitatsinnut ilaasunullu pitsaanerpaanik misigisaqartitsinissamut tunngatillugu tunniusimavugut aallussillutalu. Tamatumani inuiaqatigiinni suliffeqarfimmilu siuariartortitsinissamik tamanna qulakkeeriinnanngilaq, kisianni aamma piujuartitsisussamik siunissaqarnissamut qulakkeerilluni.

Maannakkorpiaq Nuummi Ilulissanilu nunanit tamalaanit timmisartoqarfinnik nutaanik marlunnik kiisalu Qaqortumi timmisartoqarfimmik nutaamik, atortorissaarutitsinnik nutarteriffiusussanik Kalaallit Nunaannut, nunap iluani avataanullu tikikkuminarsarneq pitsannorsarneqassalluni.

Greenland Airportsimut tikilluarit – pitsaasumik isumannaatsumillu angalanermut toqqammaviuvugut.