Mittarfiit
Paasissutissat
Information
Kiffartuussinerit
Services
Uagut Pilluta
Passi
Nuuk
15:12
7 °C
11 km/h
1
Kalaallit Nunaannut angalaguit kinaassutsimut uppernarsaammik assitalimmik atuuttumik takutitsissaatit – assersuutigalugu biilinik ingerlatsisinnaanermut allagartaasinnaavoq. Kisiannili passimik nassarnissat tamatigut innersuussutigisarparput. Nassatanik tunniussinermi, isumannaallisaavikkoornermi timmisartumullu ikilernermi kinaassutsimik uppernarsaat atuuttoq takutissinnaassavat. Nunani avannarlerni innuttaassusillit Kalaallit Nunaannut angalalernerminni nunamut isernissamut akuersissuteqartariaqanngillat.
2
EU-mi nunanit allanit angalasut passimik atuuttumik takutitsisinnaassapput. Kalaallit Nunaannut angalanermi nunamut isernissamut akuersissut pisariaqanngilaq.
3
Danmarkimukarniarlutit nunamut isernissamut akuersissummik peqarnissamik piumasaqaataappat, Kalaallit Nunaannut angalalerninni nunamut isernissamut akuersissut aamma atussavat. Kalaallit Nunaannukalerninni immikkut ittumik nunamut isernissamut akuersissummik qinnuteqartussaanerit eqqumaffigissavat. Nunamut isernissamut akuersissummik atuuttumik peqarnak angalaguit itigartinneqarsinnaavutit. Malittarisassat pillugit nalornissuteqaruit nunanit allamiunut aqutsisoqarfimmut attaveqassaatit.
4
Danmarkimut angalanissamut imaluunniit nunat Schengen-imi isumaqatigiissummi ilaasut Kalaallit Nunaannut angalanissamut nunamut isernissamut akuersissutit atuutinngillat. Kalaallit Nunaat EU-mut ilaasortaanngilaq aamma Schengen-imi isumaqatigiissummi ilaanngilaq. Tassa imaappoq nunamut isernissamut akuersissummik piumasaqaateqarfiusumi innuttaassuseqaruit, kisiannili Schengen-imi nunamut isernissamut akuersissuteqarlutit, taava Kalaallit Nunaannut angalaniarlutit immikkoortumik aamma immikkut ittumik akuersissummik perusullutit qinnuteqassaatit.
Kalaallit Nunaannut angalalernermi inuiaassutsit sorliit nunamut isernissamut akuersissuteqassanersut uani takukkit.
Naalagaaffeqatigiinnermi passimut aamma nunamut isernissamut akuersissummut malittarisassat pillugit uani paasisaqarnerusinnaavutit.
Kalaallit Nunaanni ataavartumik najugaqarneq pillugu uani paasisaqarnerusinnaavutit.
Kalaallit Nunaanni Sulinissamut Najugaqarnissamullu akuersissutit pillugit uani paasisaqarnerusinnaavutit.
5
Kalaallit Nunaanniit aallaleruit nunami tikiffissanni passimut nunamullu isernissamut malittarisassat misissussavatit. Eqqumaffigissavat nunanut, nunamut isernissamut akuersissummik peqarnissamik piumasaqaatilinnut, Kalaallit Nunaanni oqartussat nunamut isernissamut akuersissutinik tunniussineq ajormata. Nunani allani nunamut isernissamut akuersissummut passimullu malittarisassat pillugit paasisaqarnerorusukkuit Nunanut Allanut Ministereqarfiup nittartagaanut innersuutissavatsigit.
6
Passip atuunnerata misissornissaa eqqaamassavat. Nunat ilaasa, assersuutigalugu angalanissaq sioqqullugu qaammatit arfinillit sinnerlugit atuutissasoq piumasaqaatigisarpaat. Aamma akunnikkaluarlutit – tassa allamut ingerlaqqinniarlutit akunnikkuit apuuffissannullu toqqaannartumik angalaqqinniaruit tamanna atuuppoq.
Nunamut isernissamut akuersissut atorniarukku piffissaalluartillugu qinnutigissavat, suliamik suliarinninneq sivisusinnaammat.
Danskisut innuttaassuseqarlutit nunanut allanut angalalerpit? Taamaappat Nunanut Allanut Ministereqarfiup nunani allani danskinut innuttaassusilinnut allattorsimaffianut allatsissasutit innersuussutigaarput. Taamaaliornikkut ajornartoortoqassagaluarpat ikiueriaannaanerussapput.
Mittarfeqarfinni uumasunik angalaqataasussanik isumaginnittarnerput misilittagaqarfigilluarparput.